Ўзбекистон Республикаси мустақиллигининг 3 йиллиги
(Амир Темур ҳайкали)
Мазкур кумуш танга 1994 йилда Ўзбекистон Республикаси мустақиллигининг 3 йиллигига бағишлаб зарб этилган.
Танганинг олд томонида от минган Амир Темур ҳайкали тасвирланган. Тасвирнинг пастки қисмида танганинг қийматини кўрсатувчи "10" рақами ва унинг тагида эса валюта номи "SŌM" мавжуд. Тасвирнинг юқори қисмида "·TOŞKENT·" ва қуйи қисмида "AMIR TEMUR HAYKALI" ёзувлари танга ташқи айланаси бўйлаб жойлашган. Металл ва асиллик даражасини билдирувчи "Аg. 99.9" ҳайкалнинг ўнг тарафида акс эттирилган.
Танганинг орқа томони марказида Ўзбекистон Республикаси герби тасвирланган. Гербнинг атрофида "O̅ZBEKISTON MUSTAQILLIGININ̅ 3 YILLIGI" деган матн ва унинг тагида эса танга чиқарилган йил - "1994" кўрсатилган. Танга орқа томонининг ташқи айланаси бўйлаб нақш солинган.
Танганинг ён томони нотекис. Диаметри – 38,0 мм. Оғирлиги – 31,1 гр.
- Метал тури: Серебряные монеты
- Оғирлик: 31,1
- Қиймат: 10
- Асиллик даражаси: 999,9
- Сифати: PROOF
