Марказий банк томонидан ишлаб чиқилган “Тўлов тизимлари операторлари, электрон пуллар тизимлари операторлари ва тўлов ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат Қоидалари” Адлия вазирлигида давлат рўйхатига олинди (№3266, 30.06.2020й.).
Мазкур Қоидалар жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш мақсадида ички назоратни ташкил қилиш ва амалга ошириш тартибини белгилайди.
Жумладан, Қоидаларда:
- ички назорат тизимининг мақсад ва вазифалари;
- мижозларни лозим даражада текшириш;
- таваккалчилик даражасини аниқлаш ва баҳолаш;
- шубҳали операциялар мезонлари ва аломатлари белгиланган.