Размер шрифта: A A A
Цвет сайта: A A A A

Ommaviy axborot vositalari vakillari uchun o‘quv seminari o‘tkazildi

Yangilangan sana:  2 Mar 2020, 17:25
26 Sen 2018

Joriy yilning 25 sentabr kuni Markaziy bank va ATB “Qishloq qurilish bank” tomonidan ommaviy axborot vositalari vakillarining bank sohasidagi bilim va ko‘nikmalarini oshirish maqsadida Milliy matbuot markazida o‘quv seminari tashkil etildi.

Moliyaviy savodxonlik darajasini oshirish doirasida o‘tkazilgan navbatdagi treningda jurnalistlarga kredit va uning turlari, kreditlash jarayonlari: qarzdorning to‘lovga qobilligini aniqlash, ta’minot turlari, risklarni kamaytirish, foiz stavkalari va kreditlar muddatlarini belgilash mezonlari hamda mexanizmlari haqida batafsil ma’lumot berildi. Bank tizimining mamlakatimiz iqtisodiyotini moliyaviy qo‘llab-quvvatlash borasidagi keng ko‘lamli faoliyati bo‘yicha aniq raqam va misollar keltirildi.



Bank-moliya sohasidagi o‘zgarishlar ko‘lamini keng xalq ommasiga yetkazish jurnalistlardan ko‘proq bilim va malaka talab etadi. Aniq va real faktlarga asoslangan, soha xodimlarining fikr-mulohazalari bilan boyitilgan jurnalistik materiallar aholining bank tizimiga bo‘lgan ishonchini mustahkamlashda muhim ahamiyatga ega.

Shu bilan birga, bank-moliya sohasini yoritishning o‘ziga yarasha murakkabliklari mavjud bo‘lib, bunda o‘zgarishlardan xabardorlik, moliyaviy atamalarni to‘g‘ri o‘zlashtirish va qo‘llash, islohotlar mohiyatini teran anglab yetishni toqoza qiladi. Bunday seminarlar orqali olingan bilim va malaka bank-moliya bozoridagi yangiliklarni ommaga tez yetkazilishini, jamoatchilik tomonidan esa to‘g‘ri va xolis anglab yetilishini ta’minlaydi.

Shuningdek, seminar doirasida ommaviy axborot vositalari uchun bank xizmatlari ommabopligini oshirish borasida olib borilayotgan ishlar bo‘yicha matbuot anjumani ham tashkil etildi.

USD = 12620.09
+19.95
EUR = 13599.41
-42.76
RUB = 136.73
+0.81
GBP = 15892.48
-16.46
JPY = 83.33
+0.09
CHF = 13926.38
+8.19
CNY = 1745.42
+1.99
Barcha valyutalar
Online доступ к общедоступным информационным ресурсам ЦБ РУз в сети Интернет, с возможностью просматривать и получать обновленную информацию, в том числе сведения о курсах валют.
Belgilangan matnni tinglash uchun quyidagi tugmani bosing Powered by X