Bosh sahifa > Bank tizimiga oid qonun hujjatlari > Vazirlar Mahkamasi qarorlari >

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ҚАРОРИ

Вазирлар Маҳкамасининг «Банк тизимини янада ислоҳ қилиш чора-тадбирлари тўғрисида» 1999 йил 15 январдаги 24-сон қарорига ўзгартиришлар киритиш ҳақида (Ўзбекистон Республикаси Президентининг «Пахта-банк» ва «Ғалла-банк» акциядорлик-тижорат банкларининг инвестиция фаоллигини янада ошириш чора-тадбирлари тўғрисида» 2008 йил 8 октябрдаги ПҚ-975-сон қарори) 2008 йил 20 ноябрь, 253-сон

(Ўзбекистон Республикаси қонун ҳужжатлари тўплами, 2008 й., 47-сон, 464-модда)

Ўзбекистон Республикаси Президентининг «Пахта-банк» ва «Ғалла-банк» акциядорлик-тижорат банкларининг инвестиция фаоллигини янада ошириш чора-тадбирлари тўғрисида» 2008 йил 8 октябрдаги ПҚ-975-сон қарорига мувофиқ Вазирлар Маҳкамаси қарор қилади:

1. Вазирлар Маҳкамасининг «Банк тизимини янада ислоҳ қилиш чора-тадбирлари тўғрисида» 1999 йил 15 январдаги 24-сон қарорида:

а) 1-банд чиқариб ташлансин;

б) 3-банднинг иккинчи хатбоши қуйидаги таҳрирда баён қилинсин:

«битта акциядорнинг ёки ўзаро боғлиқ акциядорлар гуруҳининг банк устав капиталидаги улуши (давлат улушидан ташқари) устав капитали умумий миқдорининг 25 фоизидан ошиши мумкин эмас. Ушбу норма хусусий банкларга ва хорижий капитал иштирокидаги банкларга татбиқ этилмайди».

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.

Ўзбекистон Республикасининг Бош вазири
Ш. МИРЗИЁЕВ

Тошкент ш.