Bosh sahifa > Bank tizimiga oid qonun hujjatlari > Vazirlar Mahkamasi qarorlari >

O'ZBEKISTON RESPUBLIKASI VAZIRLAR MAHKAMASINING QARORI

«Qishloq joylarda uy-joy kurilishini moliyalashtirishning resurs bazasini yanada kengaytirish chora-tadbirlari to'g'risida» 2011yil 25 may, 151-son

O'zbekiston Respublikasi Prezidentining «Davlat va xo'jalik boshqaruvi organlari tuzilmasini takomillashtirish va xodimlari sonini maqbullashtirish chora-tadbirlari to'g'risida» 2010 yil 20 dekabrdagi PQ-1444-son qarorini bajarish yuzasidan, shuningdek qishloq joylarda namunaviy loyihalar bo'yicha yakka tartibdagi uy-joylar qurilishini moliyalashtirishning resurs bazasini yanada kengaytirish maqsadida Vazirlar Mahkamasi qapop qiladi:

1. O'zbekiston  Respublikasi Moliya vazirligi va  Markaziy bankining O'zbekiston   Respublikasi Moliya vazirligi huzuridagi Ipoteka  krediti berishini qo'llab-quvvatlash   jamg'armasini (keyingi o'rinlarda Jamg'arma deb ataladi) uning aktivlarini:

Jamg'armaning jalb etilgan uzoq muddatli imtiyozli kredit resurslari bo'yicha Moliya vazirligi oldidagi majburiyatlariga teng summadagi qarz majburiyatlarini «Qishloqqurilishbank» aktsiyadorlik-tijorat bankining O'zbekiston Respublikasi Moliya vazirligi oldidagi qarzi sifatida rasmiylashtirgan;

qolgan qismini - O'zbekiston Respublikasi Moliya vazirligining «Qishloqqurilishbank» aktsiyadorlik-tijorat banki ustav fondidagi ulushini ko'paytirgan holda belgilangan tartibda «Qishloqqurilishbank»  aktsiyadorlik-tijorat bankiga berish yo'li bilan tugatish to'g'risidagi taklifi qabul qilinsin.

2. Jamg'armani tugatish komissiyasi tarkibi  1-ilovaga  muvofiq tasdiqlansin.

Tugatish komissiyasi kreditorlar talablari qondirilgandan keyin Jamg'armaning mol-mulkini «Qishloqqurilishbank» aktsiyadorlik-tijorat banki balansiga bergan holda Jamg'armani belgilangan tartibda tugatish chora-tadbirlarini amalga oshirsin.

3. O'zbekiston Respublikasi Moliya vazirligi, «Qishloqqurilish-bank» aktsiyadorlik-tijorat banki va «Ipoteka-bank» aktsiyadorlik-tijorat ipoteka banki uzoq muddatli imtiyozli kredit resurslari berish to'g'risida ilgari tuzilgan shartnomalarni ilgari tuzilgan shartnomalarda nazarda tutilgan shartlarga muvofiq qayta rasmiylashtirsinlar.

4. O'zbekiston Respublikasi Vazirlar Mahkamasining 2-ilovaga muvofiq ayrim qarorlariga o'zgartirishlar kiritilsin.

5. Mazkur qarorning bajarilishini   nazorat qilish O'zbekiston Respublikasi Bosh vazirining   birinchi o'rinbosari R.S.Azimov va O'zbekiston Respublikasi Bosh vazirining o'rinbosari  B.A.Xo'jaev zimmasiga yuklansin.

O'zbekiston Respublikasi
          Bosh vaziri                                                                                                        Sh.Mirziyoev