Bosh sahifa > Bank tizimiga oid qonun hujjatlari > Prezident farmonlari >

ЎЗБЕКИСТОН РЕСПУБЛИКАСИ ПРЕЗИДЕНТИНИНГ ФАРМОНИ

"Ўзбекистон Республикаси Президентининг баъзи фармонларига ўзгартишлар киритиш ва ўз кучини йўқотган деб ҳисоблаш тўғрисида” 2003 йил 1 октябрь, ПФ-3323-сон

1. Ўзбекистон Республикаси Президентининг қуйидаги фармонларига ўзгартишлар киритилсин:

«Иқтисодий ислоҳотларни янада чуқурлаштириш, хусусий мулк манфаатларини ҳимоя қилиш ва тадбиркорликни ривожлантириш чора-тадбирлари тўғрисида» Ўзбекистон Республикаси Президентининг 1994 йил 21 январдаги ПФ-745-сон Фармони 7-бандидаги «хорижий валютадаги тушумдан солиқ тўлашдан ва валютани Ўзбекистон Республикаси Марказий банкига мажбурий сотишдан» сўзлари «хорижий валютадаги тушумдан ваколатли банкларга мажбурий сотишдан» деган сўзлар билан алмаштирилсин;

«Бюджет билан ҳисоб-китоблар учун хўжалик юритувчи субъектларнинг масъулиятини ошириш чора-тадбирлари тўғрисида» Ўзбекистон Республикаси Президентининг 1996 йил 9 августдаги ПФ-1504-сон Фармони 5-бандининг учинчи хатбоши чиқариб ташлансин;

Ўзбекистон Республикаси Президентининг 1997 йил 1 августдаги ПФ-1827-сон Фармони билан тасдиқланган Республика пул-кредит сиёсати комиссияси тўғрисидаги низомнинг 3.1-бандидаги еттинчи ва саккизинчи хатбошилари чиқариб ташлансин.

2. Қуйидагилар ўз кучини йўқотган деб ҳисоблансин:

«Ўзбекистон Республикаси миллий валютасининг ички эркин алмаштирилишини янада кенгайтириш чора-тадбирлари тўғрисида» Ўзбекистон Республикаси Президентининг 1995 йил 27 июндаги ПФ-1193-сон Фармонининг 3-банди;

«Хорижий инвестициялар иштирокидаги корхоналарни ташкил этишни ва уларнинг фаолиятини рағбатлантиришга оид қўшимча чора-тадбирлар тўғрисида» Ўзбекистон Республикаси Президентининг 1996 йил 31 майдаги ПФ-1467-сон Фармонига илованинг 32-банди;

Ўзбекистон Республикаси Президентининг «Биржадан ташқари валюта бозорини янада ривожлантириш ва эркинлаштириш чора-тадбирлари тўғрисида» 1998 йил 1 июлдаги ПФ-2010-сон Фармони;

«Ўзбекистон Республикаси Президенти фармонларига ўзгартиш ва қўшимчалар киритиш тўғрисида» Ўзбекистон Республикаси Президентининг 2000 йил 5 декабрдаги ПФ-2772-сон Фармонига илованинг 2-бандидаги «а» кичик банди, 3 ва 4-бандлари.

3. Ушбу Фармоннинг ижросини назорат қилиш Ўзбекистон Республикаси Бош вазирининг ўринбосари Р. С. Азимов зиммасига юклатилсин.

Ўзбекистон Республикасининг Президенти
 И. КАРИМОВ

Тошкент ш.