Марказий банкда Осиё инфратузилмавий инвестициялар банки вице-президенти Константин Лимитовский бошчилигидаги делегация аъзолари билан учрашув бўлиб ўтди.
Мулоқот чоғида меҳмонларга мамлакатимиздаги жорий макроиқтисодий ҳолат, сўнгги йилларда амалга оширилаётган ислоҳотлар, банк тизимининг ривожланиш истиқболлари, соҳани тартибга солиш бўйича жорий йилдаги асосий вазифалар, яшил иқтисодиёт ва барқарор ривожланиш борасида амалга оширилаётган ишлар хусусида маълумот берилди.
Шунингдек, учрашувда ОИИБнинг мамлакатимиздаги фаолияти, жумладан, банк томонидан молиялаштирилган амалдаги ва келгуси уч йилга режалаштирилган лойиҳалар, банк тизимини ривожлантиришда ўзаро ҳамкорликни кенгайтириш ва бу борада амалга ошириладиган ишлар юзасидан ўзаро фикр алмашилди.
Марказий банкда Осиё инфратузилмавий инвестициялар банки вакиллари билан учрашув ўтказилди
Янгиланган сана:
1 Май 2024, 16:32
