Марказий банк раҳбарияти молиявий хизматлар кўрсатувчи Travelex компаниясининг бош директори Ричард Вазач билан учрашди.
Учрашувда мамлакатдаги валюта операциялари, жумладан, ҳалқаро пул ўтказмалари, ички бозорда нақд хорижий валютага талаб ва таклифнинг шаклланиши ҳақида атрофлича маълумот берилди.
Шу ўринда, компания ўзининг мавжуд молиявий маҳсулотлари, хусусан банкноталарни улгуржи сотиш ва логистика хизматлари, мижозларни лозим даражада текшириш (KYC), жиноий фаолиятдан олинган даромадларни легаллаштиришга қарши курашиш (AML) хақида тақдимот ўтказди.
Учрашув якунида томонлар муҳокама қилинган масалалар бўйича ҳамкорликка тайёр эканликларини билдирдилар.
“Travelex” компанияси билан учрашув
Янгиланган сана:
3 Май 2024, 15:57