Жиззах вилоятида ҳудудни ижтимоий-иқтисодий ривожлантириш дастурлари ижроси, пандемия шароитида пул тушуми камайган корхоналарнинг фаолиятини тиклаш юзасидан амалга оширилиши зарур бўлган чоралар ҳамда тадбиркорларни қийнаётган муаммолар Марказий банк вакилларидан иборат Ишчи гуруҳ томонидан ўрганилди.
Ишчи гуруҳ тижорат банклари раҳбарлари иштирокида ҳудуддаги кредит маблағлари ажратилиши кечикаётган лойиҳаларни молиялаштириш, айланма маблағларни тўлдириш учун кредит маблағларига эҳтиёжи бўлган тадбиркорларни молиявий қўллаб-қувватлаш, банк хизматларига доир барча масалаларни бирма-бир кўриб чиқди.
Тадбиркорлар билан мулоқотлар ва ўрганишлар натижаларига асосоланиб, келгусида ҳудудни янада ривожлантириш ва вужудга келиши мумкин бўлган хатарларнинг олдини олиш бўйича зарурий амалий чоралар белгилаб олинди.