Ochiq ma’lumotlar
O‘zbekiston Respublikasi Vazirlar mahkamasining 2015 yil 7 avgustdagi «Ochiq ma’lumotlar taqdim etilishi hisobga olingan holda internet tarmog‘ida O‘zbekiston Respublikasining Hukumat portalini yanada takomillashtirish chora-tadbirlari to‘g‘risida»gi 232-sonli qaroriga asosan:
Ochiq ma’lumotlar – internet tarmog‘ida ma’lumotlar massivi formatida joylashtirilgan, inson tomonidan oldindan o‘zgartirish kiritilmasdan (mashina o‘qiydigan) foydalaniladigan va avtomatlashtirilgan tarzda ishlov berilishini ta’minlaydigan hamda erkin (bepul) foydalaniladigan davlat va mahalliy o‘zini-o‘zi idora qilish organlari faoliyati to‘g‘risidagi ma’lumotlardir.
Saytning mazkur bobida O‘zbekiston Respublikasi Markaziy bankining ochiq ma’lumotlari nashr etilgan. Ochiq ma’lumotlar to‘plami bo‘yicha taklif va mulohazalarni info@cbu.uz manziliga yuborishingiz mumkin.
Ochiq ma’lumotlar ro‘yxati
O‘zbekiston Respublikasining 2014 yil 5 may, O‘RQ-369-sonli «Davlat hokimiyati va boshqaruvi organlari faoliyatining ochiqligi to‘g‘risida»gi Qonuniga asosan:
O‘zbekiston Respublikasi Markaziy banki faoliyatining ochiqligini ta’minlash usullari:
- Markaziy bank faoliyati to‘g‘risidagi axborotni e’lon qilish (chop etish);
- Markaziy bank faoliyati to‘g‘risidagi axborotni Markaziy bankning rasmiy veb-saytida joylashtirish va yangilab borish;
- Markaziy bank faoliyati to‘g‘risidagi axborotni hamma kirishi mumkin bo‘lgan xonalarga va joylarga joylashtirish hamda yangilab borish;
- Markaziy bank faoliyati to‘g‘risidagi axborotni axborot-kutubxona va arxiv fondlari orqali taqdim etish;
- Markaziy bank ochiq hay’at majlislarida axborotdan foydalanuvchilarning hozir bo‘lishi uchun sharoitlar yaratish;
- axborotdan foydalanuvchilarning so‘rovi asosida ularga Markaziy bank faoliyati to‘g‘risida og‘zaki va yozma shaklda (shu jumladan elektron hujjat shaklida) axborot taqdim etish.
