Qayta tiklanuvchi energiya manbalari qurilmalari va energiya samarador texnologiyalarni sotib olish uchun cubsidiyalar taqdim etiladi

Birlashgan Millatlar Tashkiloti Taraqqiyot Dasturining Oʼzbekistondagi vakolatxonasi hamda Markaziy bank hamkorligida Namangan, Buxoro, Qashqadaryo va Surxondaryo viloyatlarida “Oʼzbekistonda energiya samarador qishloq turar–joy binolari qurilishini rivojlantirishga koʼmaklashish” loyihasini amalga oshirish yuzasidan oʼquv-seminarlari oʼtkazildi. 

Mazkur loyihadan koʼzlangan asosiy maqsad qayta tiklanuvchi energiya manbalari qurilmalari va energiya samarador texnologiyalarni sotib olish uchun ajratilgan “yashil ipoteka" va isteʼmol kreditlarining 15 foizidan 37,5 foizigacha boʼlgan qismini qoplash uchun subsidiyalar taqdim etishga qaratilgan. 

Oʼquv-seminarlari joriy yilning may oyi yakuniga qadar respublikaning boshqa hududlarida reja-grafik asosida oʼtkaziladi.